Ladas

***** BELUM lamo ini Matsikut dapet kabar kalu tekenan Pek ElTe disoal "Puyang Rimau" di Plembang sano, ujinyo supayo yang teken meneken tu Kangdeknitif..tif-tif, be-be-be.
***** Ado nian, rutuk Nangkucil sambel nyengir dari belakang pecak nak nguyok-i, payo! kalu tuo tu caro tuo, puntirlah tasbih sambil ngucap banyak-banyak, supayo pacak idup jayo mati sempurno...no-no-no.
***** Halo! Om Lim, celetuk Pemarap pecak nak berore tapi ngolahkan, pecaknyo rombongan Mangdewan diri iko ni, ngembek bekal-bekalan di pusat sano, ati-ati bae omongke budak tu caro disano tu banyak dayang nyari Tuan Mudo, gek ni maksud ati ngembek bekal, ruponyo mekali dayang-dayang, sudah-sudahnyo leno...bruud, bud-bud.
***** Beno nian uji eMu tu, celetuk Wakso nyawab omongan Pemarap, care Mangdewan lah, kelemak-an kulu-kilo, Jakarrta-Plembang, mon tekabar la naro budak. Omongannye tu nak ngape wang, care tongkat dak pulek milih tanah, lebak mare, talang laju, sukur-sukur tekene di lebak berayun, ao ladas melincak-lincak pecak kere pacul tali...uhui-hui-hui.
***** Oyolah care ije jime kite gale, Pokik Matbobon, de kiri Sondi de kanan Tongah, de atas Barop de bahan Gulu, hebat nian yo yo jime owam je...asli oi nikune...salut gue...ladass mpaknye uji Mangtoy dari negeri Pulun Buye sane.